Były prezident niepryznanaha Prydniastroŭja Jaŭhien Šaŭčuk zajaviŭ, što pakinuŭ respubliku praz zamach, jaki rychtavaŭsia na jaho. Pra heta havorycca na jaho staroncy ŭ Facebook. Raniej na hety akaŭnt spasyłalisia małdoŭskija ŚMI.
Eks-prezident Prydniastroŭja paviedamiŭ, što pa šlachu ź Ciraspala ŭ Rybnicu jaho pačali pieraśledavać čornyja džypy, jakija naležać, jak jon vyśvietliŭ «pa haračych kanałach», supracoŭnikam słužby biaśpieki «Šeryf». «Mnie paviedamili, što mianie «zamoviŭ» Viktar Hušan (uładalnik najbujniejšaha ŭ Prydniastroŭi chołdynhu «Šeryf»). A taksama, što pa jaho «zamovie» padrychtavana pravakacyja z metaj majoj «likvidacyi», - prakamientavaŭ Šaŭčuk pryčynu svajho adjezdu z Prydniastroŭja.
Taksama Jaŭhien Šaŭčuk abvierhnuŭ raniejšuju infarmacyju ab tym, što jon pakinuŭ niepryznanuju respubliku na łodcy. «U Dubasarskim rajonie (a nie ŭ Rybnickim) ja pierasieŭ u taksi i vyjechaŭ u bok Małdovy», - prakamientavaŭ eks-prezident raniej źjavilisia ŭ ŚMI padrabiaznaści ŭciokaŭ.
Jaŭhien Šaŭčuk taksama paabiacaŭ u bližejšy čas sustrecca z pradstaŭnikami ŚMI i pravieści bryfinh, dzie adkaža na pytańni žurnalistaŭ.
Były prezident Prydniastroŭja pakinuŭ niepryznanuju respubliku paśla taho, jak jamu byli ŭručany dakumienty dla ŭdziełu ŭ pasiadžeńni pa rasśledavańni jaho dziejnaści i pazbaŭleńnia imunitetu. Na svajoj staroncy ŭ sacsietcy jon paviedamiŭ, što za daču pakazańniaŭ suprać jaho śviedkam byli abiacany hrošy. 28 červienia Šaŭčuka pazbavili niedatykalnaści. Ranicaj 28 červienia deputat Viarchoŭnaha savieta PMR Andrej Safonaŭ paviedamiŭ na svajoj staroncy ŭ Facebook pra toje, što eks-prezident niepryznanaj respubliki pakinuŭ terytoryju Prydniastroŭja na łodcy.
Byłoha prezidenta Prydniastroŭja abvinavačvajuć u rastracie srodkaŭ. Suprać jaho raspačata piać kryminalnych spraŭ. U pryvatnaści, Šaŭčuku stavicca pieravyšeńnie słužbovych paŭnamoctvaŭ, kantrabanda tavaraŭ, chabarnictva i inšyja abvinavačvańni. Prakuratura niepryznanaj respubliki bačyć suviaź niezakonnaj dziejnaści Jaŭhiena Šaŭčuka i časovaj zamarazki piensij i zarobkaŭ biudžetnym pracaŭnikam u 2015 hodzie.
