29 červienia 2017 hoda ŭ reanimacyi siomaj haradskoj balnicy horada Ałmaty raptoŭna pamierła viełahonščyca Dana Achmietava, paviedamlaje Tut.by sa spasyłkaj na aficyjny sajt Kazachstanskaj fiederacyi viełasipiednaha sportu.
cycling.kz
23 červienia 17-hadovaja spartsmienka straciła prytomnaść padčas udziełu ŭ IV Moładzievych spartyŭnych hulniach, paśla čaho bryhada chutkaj dapamohi dastaviła jaje reanimacyjnaje adździaleńnie. Lekary acanili stan Dany jak vielmi ciažki. Dziaŭčyna pamierła, nie prychodziačy ŭ prytomnaść.
Dana Achmietava vučyłasia ŭ Paŭnočna-Kazachstanskaj abłasnoj śpiecyjalizavanaj škole-internacie dla adoranych dziaciej i była majstram sportu Respubliki Kazachstan. Z 2016 hoda jana znachodziłasia ŭ składzie spartsmienaŭ Centra alimpijskaj padrychtoŭki.
«Dana Achmietava była talenavitaj i metanakiravanaj spartsmienkaj, jakaja prajaŭlała na spabornictvach vielizarnuju volu da pieramohi. Z pačatku siezona jana zavajavała siarebrany miedal u Moładzievych hulniach na šašy i dva bronzavyja miedali ŭ Moładzievych hulniach na treku. Heta vialikaja strata i vielizarny bol dla ŭsioj kazachstanskaj viełasupolnaści», — havorycca ŭ paviedamleńni fiederacyi.
