U Chiersonskaj vobłaści Ukrainy zatrymali dvuch rasijskich pamiežnikaŭ, paviedamlaje ŭkrainskaja pahransłužba. Maładyja ludzi biez dakumientaŭ pryčalili da bieraha Pierakopskaha zaliva na łodcy i ŭ chodzie dopytu raspaviali, što vykonvali rolu parušalnikaŭ miažy na vučeńniach u Krymie, ale zhubilisia, śćviardžajuć pradstaŭniki ŭkrainskaha viedamstva.
«Siońnia, 30 červienia, kala 2.30, pamiežniki Chiersonskaha atrada sumiesna z vajskoŭcami US Ukrainy, u Chiersonskaj vobłaści na bierazie Pierakopskaha zaliva zatrymali dźviuch nieviadomych asob biez dakumientaŭ i znajšli łodku, na jakoj apošnija pryčalili da bieraha», — napisaŭ u «Fejsbuku» kiraŭnik ŭkrainskaj pahransłužby Viktar Nazaranka i apublikavaŭ fatahrafii zatrymanych.
Pierakopski zaliŭ adździalaje Chersonskuju vobłaść ad paŭvostrava Krym.
Pa słovach Nazaranki, padčas dopytu mužčyny zajavili, što słužać u pahransłužbie FSB Rasii.
«Pa ich słovach, jany, nibyta, vykonvali rolu vučebnych parušalnikaŭ miažy padčas vučeńniaŭ, ale źbilisia z maršrutu, zhubili aryjenciroŭku i takim čynam apynulisia na macierykovaj častcy Ukrainy», — napisaŭ Nazaranka.
«U dačynieńni da zatrymanych hramadzian RF pravodziacca vyznačanyja zakanadaŭstvam administracyjna-pracesualnyja dziejańni», — reziumuje Nazaranka.
Paźniej pradstaŭnik ukrainskaj Dziaržpahransłužby Aleh Słabadzian zajaviŭ, što pahransłužba FSB nakiravała ŭkrainskim kaleham zapyt na pradstaŭleńnie infarmacyi pra zatrymanych.
«Farmalna takim čynam jany paćvierdzili, što heta ich vajskoŭcy zhubilisia va Ukrainie», — skazaŭ Słobodian ahienctvu Interfaks.
U FSB i minabarony Rasii nie kamientavali zajavy ŭkrainskaha boku.
