Tolki ŭ subotu kala 650 mihrantaŭ byli vyratavany i dastaŭlenyja ŭ italjanski port Katanija.
U toj čas jak u Paryžy ministry unutranych spraŭ Hiermanii, Francyi i Italii źbirajucca na sustreču, pryśviečanuju mihranckamu kryzisu, Italija zajaŭlaje, što nie moža dać rady toj kolkaściu mihrantaŭ, jakija prybyvajuć u krainu, paviedamlajeie VVS.
Italjanski ŭrad pahražaje začynić party i kanfiskavać vyratavalnyja karabli, jakija naležać dapamožnym ahienctvam, na jakich prybyvajuć uciekačy ź Livii.
U Ahienctvie AAN pa spravach biežancaŭ zajaŭlajuć, što krainie treba bolš dapamohi na fonie ŭsio bolšaj kolkaści biežancaŭ z Afryki.
Ad 2014 hoda praź italjanskija party ŭ Jeŭropu trapili bolš za 500 000 mihrantaŭ.
Paśla taho, jak na praciahu ŭsiaho dvuch dzion na minułym tydni ŭ krainu prybyli bolš za 12 000 mihrantaŭ, urad Italii zapatrabavaŭ aktyŭnych dziejańniaŭ ad inšych krain Jeŭrasajuza.
«Na našych vačach u Italii razhortvajecca trahiedyja. I heta nie moža zastavacca vyklučna italjanskaj prablemaj», — zajaviŭ Viarchoŭny kamisar AAN pa spravach biežancaŭ Filipa Hrandzi.
29 červienia kamisar ES pa pytańniach mihracyi Dzimitrys Aŭramopułos paabiacaŭ vydzielić vialikuju finansavuju dapamohu Italii i zaklikaŭ inšyja krainy ES prademanstravać bolšuju salidarnaść.
Padčas ratavalnaj apieracyi la ŭźbiarežža Livii dzieviać mihrantaŭ byli znojdzienyja miortvymi.
Pavodle Filipa Hrandzi, tolki za minuły tydzień u Italiju prybyli 12 600 mihrantaŭ i biežancaŭ.
U cełym, pavodle jaho słoŭ, ad pačatku hoda ŭ Italiju moram prybyło 83 650 mihrantaŭ — heta na 20% bolš, čym za toj ža pieryjad minułaha hoda.
Ličać, što z pačatku hoda ŭ Mižziemnym mory zahinuli kala 2300 mihrantaŭ.
Bolšaja častka mihrantaŭ, jakija prybyvajuć u Italiju, biahuć ź Livii, praź jakuju ŭ Jeŭropu imknucca trapić mihranty z krain na poŭdzień ad Sachary, Aravijskaha paŭvostrava, Jehipta, Siryi i Banhładeš.
Ofis Viarchoŭnaha kamisara AAN pa spravach biežancaŭ zaniepakojeny vialikaj kolkaściu dziaciej biez baćkoŭ, a taksama achviaraŭ seksualnaha hvałtu siarod mihrantaŭ, jakija prybyvajuć u Italiju.
