Adpaviednaje rašeńnie było pryniata na pasiadžeńni savieta dyrektaraŭ kampanii, jakoje adbyłosia 30 červienia, paviedamili BiełTA ŭ pres-słužbie «Słaŭkalija».
Na pracu ŭ kampaniju Ihar Kožyč pryjšoŭ ŭ 2016 hodzie na pasadu namieśnika dyrektara pa vytvorčaści. Ź lutaha biahučaha hoda vykonvaŭ abaviazki dyrektara.
Jak paviedamlałasia, u vieraśni 2015 hoda ŭračysta zakładziena kapsuła na znak pačatku budaŭnictva Niežynskaha horna-abahačalnaha kambinata na bazie Starobinskaha radovišča kalijnych solaŭ.
Heta budzie druhoje pradpryjemstva ŭ Biełarusi pa zdabyčy kalijnaj rudy i vytvorčaści kalijnych uhnajeńniaŭ mahutnaściu da 2 młn t kaliju ŭ hod.
Inviestycyjny prajekt praduhledžvaje budaŭnictva hornazdabyŭnoha kompleksu, abahačalnaj fabryki, hazaturbinnaj elektrastancyi dla ŭłasnych patreb, čyhunačnaj, aŭtadarožnaj, žyllovaj i inšaj infrastruktury. Budaŭnictva HAK zapuščana ŭ 2016 hodzie. Realizuje prajekt ZTAA «Słaŭkalij».
Zamiežnaje tavarystva z abmiežavanaj adkaznaściu «Słaŭkalij», rezident Biełarusi, zasnavana anhielskaj kampanijaj GCM Global Energy Plc ŭ 2011 hodzie. Asnoŭnaj metaj ZTAA «Słaŭkalij» źjaŭlajecca realizacyja inviestycyjnaha prajekta pamiž Biełaruśsiu i GCM Global Energy Plc pa budaŭnictvu horna-abahačalnaha kompleksu mahutnaściu ad 1,1 da 2,0 młn t chłarydu kaliju na bazie Niežynskaha ŭčastka (uschodniaja častka) Starobinskaha radovišča kalijnych solaŭ na terytoryi Lubanskaha rajona Minskaj vobłaści.
