U Kamianieckim rajonie paciarpieła dvuchhadovaja dziaŭčynka, vypaŭšy z akna pryvatnaha doma, paviedamiła BIEŁTA aficyjny pradstaŭnik USK pa Bresckaj vobłaści Maryna Drańkova.
Zdareńnie adbyłosia dniom 2 lipienia ŭ vioscy Mikałajeva. Dvuchhadovaja dziaŭčynka znachodziłasia razam z maci na kuchni. Žančyna adciahnułasia i nie zaŭvažyła, jak dačka ŭźlezła na śpinku kanapy, jakaja stajała la adčynienaha akna. Małaja ŭpała z vyšyni kala 0,8 m na bietonnuju padkładku. U vyniku dziaŭčynka atrymała traŭmu hałavy, jaje špitalizavali. U bližejšy čas maleńkaja pacyjentka budzie vypisanaja. Viadoma, što siamja žyvie ŭ Breście. Dzicia haściavała na vychodnych u babuli.
USK pa Bresckaj vobłaści ŭ čarhovy raz zaklikaje baćkoŭ być pilnymi i aściarožnymi, nie pakidać dziaciej biez nahladu, tłumačyć im praviły biaśpiečnych pavodzin.
