Jeŭraparłamient nastojvaje na farmalnym prypynieńni pieramoŭ ab ustupleńni Turcyi ŭ ES. Deputaty ŭsich frakcyj prahałasavali ŭ čaćvier za pryniaćcie adpaviednaha zvarotu da Jeŭrakamisii, paviedamlaje DW.
Prypynieńnie pieramoŭ praduhledžvaje, što Ankara bolš nie budzie atrymlivać z Brusiela hrošy, nieabchodnyja dla praviadzieńnia reformaŭ. Zrešty, pryniaty Jeŭraparłamientam dakumient nie abaviazkovy jurydyčna.
Miž tym ab poŭnym spynieńni pieramoŭ, na dumku parłamientaryjaŭ, havorka moža iści tolki ŭ tym vypadku, kali rezka krytykavanaja kanstytucyjnaja reforma ŭ Turcyi budzie ažyćcioŭlenaja bieź źmienaŭ. Na dumku naziralnikaŭ, heta paškodzić pryncypu padziełu ŭładaŭ i niezaležnaści orhanaŭ justycyi ŭ krainie.
Niezadoŭha da hałasavańnia ŭ Strasburhu turecki ministr pa spravach ES Amier Čelik zajaviŭ, što Turcyja pa-raniejšamu damahajecca poŭnaha siabroŭstva ŭ Jeŭrasajuzie.
