Azierbajdžanskaja armija naniesła ŭdar pa armianskich pazicyjach ŭ Karabachu, paviedamiła ŭ piatnicu ministerstva abarony Azierbajdžana.
«U vyniku [ŭdaru] źniščana značnaja siła praciŭnika, vyviedzienaja sa stroju častka varožaj vajennaj techniki i niekatoryja vajskovyja infrastrukturnyja abjekty pryviedzieny ŭ nieprydatny stan», — cytuje hetaje paviedamleńnie Bi-bi-si.
U Baku zajaŭlajuć, što armianski bok rychtavaŭ «čarhovuju pravakacyju».
Uzbrojeny kanflikt u Nahornym Karabachu doŭžycca ŭžo amal 30 hadoŭ. Fota: REUTERS
U minabarony niepryznanaj Nahorna-Karabachskaj respubliki (NKR) paćvierdzili infarmacyju pra ŭzbrojenyja sutyknieńni ranicaj u piatnicu. Pa źviestkach viedamstva, troje armianskich vajskoŭcaŭ paranienyja.
NKR śćviardžaje, što Baku parušaje režym spynieńnia ahniu, vykarystoŭvajučy jak strałkovuju zbroju, tak i harmaty D-30 i D-44, minamioty roznaha kalibru i hranatamioty.
Situacyja ŭ zonie karabachskaha kanfliktu abvastryłasia 4 lipienia, kali Azierbajdžan abvinavaciŭ armianskich vajskoŭcaŭ u abstrele vioski ŭ Fizulinskim rajonie. Pavodle infarmacyi Baku, u vyniku abstrełu zahinuli mirnyja žychary, siarod ich dzicia.
Kanflikt pamiž Azierbajdžanam i Armienijaj pačaŭsia ŭ 1988 hodzie, kali nasielenaja pieravažna armianami Nahorna-Karabachskaja aŭtanomnaja vobłaść zajaviła pra vychad z Azierbajdžanskaj SSR.
