Futbalist «Dynama-Brest» Alaksiej Ivanoŭ daŭ vialikaje intervju Tut.by. U chodzie razmovy, siarod inšaha, jon vykazaŭsia pra staŭleńnie da biełaruskaj movy:
— Na žal, tak skłałasia, što dla bolšaści našaj moładzi biełaruskaja mova — heta nie modna, i kali ty razmaŭlaješ na movie z adpaviednym akcentam, to, napeŭna, padumajuć, što ty pryjechaŭ z pravincyi, i heta stanie pradmietam dla žartaŭ. Pačuć rodnuju movu ciapier sapraŭdy praściej na pieryfieryi i ad bolš pažyłych ludziej. Ja ščyra padtrymlivaju ludziej, jakija nie dajuć movie zahinuć. Viadoma, bilinhvizm u krainie sparadžaje šmat sprečak, ale adno mahu skazać dakładna: heta dapamahaje nam achoplivać bolšaje koła znosin jak u našaj krainie, tak i za jaje miežami. Sam ja całkam mahu vykazacca na biełaruskaj movie biez asablivych prablem, jak i maje siabry i rodnyja. U volny čas mahu pračytać artykuł na movie, dy i naohuł da čytańnia staŭlusia stanoŭča.
