Bieły krot — vielmi redkaja istota. Pa-pieršaje, albinosy sami pa sabie naradžajucca vielmi redka. Pa-druhoje, albinosy bolš schilnyja da roznych chvarobaŭ i čaściej za ŭsio pamirajuć rana. A havorka idzie, usio ž taki, pra žyviołu jakaja i na pavierchni ziamli byvaje redka. Tamu znachodki kratoŭ-albinosaŭ pryciahvajuć uvahu śpiecyjalistaŭ dy kalekcyjanieraŭ.
Praŭda, baranskamu kratu pašancavała — jon byŭ złoŭleny dobrymi ludźmi, jakija, zrazumieŭšy, nakolki redki źviarok apynuŭsia ŭ ich pastcy, nie stali jaho addavać śpiecyjalistam abo pradavać kalekcyjanieram, pieradaje partał orsha.eu.
Paśla nievialikaj fotasiesii, źviarok byŭ nakormleny čarviakami (dziŭna, ale dzikaja žyvioła, jakaja pry narmalnych abstavinach nie kantaktuje ź ludźmi, spakojna pryniała pačastunak ad žycharoŭ naziemnaha śvietu) i adpuščany na volu.
