Adkryćcio było zroblena ŭ piačory na zachodnim uźbiarežžy Sumatry na poŭdzień ad horada Banda-Ačech, jaki byŭ spustošany cunami ŭ śniežni 2004 hoda. Znachodka ŭjaŭlaje saboj paśladoŭnyja płasty piasku, pamiotu kažanoŭ i abłomkaŭ, jakija ŭtvarylisia pamiž pieršym i šostym tysiačahodździami da našaj ery. Stratyhrafičnyja płasty, jakija ŭźnikli paźniej, byli zmytyja ŭ vyniku cunami 2004 hoda.
Daśledčyki vyryli ŭ L-padobnaj piačory šeść tranšej i z dapamohaj mietadu radyjevuhlarodnaha analizu vyśvietlili ŭzrost płastoŭ parod. Za nazvany pieryjad, pavodle daśledavańnia, prajšło kala 11 cunami. Za 5000 hadoŭ adno tysiačahodździe prajšło naohuł biez cunami, a jašče ŭ adno stahodździe ŭźbiarežža paciarpieła adrazu ad čatyroch udaraŭ stychii.
0
0
0
0
0
0
