U najbližejšyja dni budzie pa-letniamu ciopła, a tempieraturny fon adpaviadać lipieńskim značeńniam. Adnak nadvorje budzie niaŭstojlivaje i bieź letnich navalničnych daždžoŭ nie abydziecca.
Pra heta TUT.BY raspaviała namieśnik načalnika słužby mietearałahičnych prahnozaŭ Biełhidramieta Śviatłana Rybakova.
22 lipienia, u subotu, nočču i ranicaj pa paŭdniovaj pałovie Biełarusi frantalnyja raździeły abumoviać daždžy, u mnohich rajonach Bresckaj, Homielskaj i miescami pa poŭdni Minskaj vobłaści navalnicy, mocnyja daždžy. Dniom daždžy čakajucca tolki pa Homielščynie. Na astatniaj terytoryi krainy pieravažna biez apadkaŭ.
Tempieratura pavietra minimalnaja nočču składzie ad +10°S pa poŭnačy da + 18°S pa poŭdni Biełarusi, maksimalnaja tempieratura dniom +20 … 26°S.
U niadzielu, 23 lipienia, ŭmovy nadvorja ŭ asnoŭnym vyznačyć vobłaść pavyšanaha cisku, budzie pieravažna biez apadkaŭ, tolki dniom pa paŭdniovym zachadzie krainy ŭ asobnych rajonach karotkačasovyja daždžy, mahčymy navalnicy. Nočču i ranicaj słaby tuman.
Tempieratura pavietra minimalnaja nočču +8 … 14°S, pa paŭdniovym zachadzie krainy +15 … 16°S, dniom pavietra prahrejecca da +21 … 28°S.
24 lipienia, u paniadziełak, čakajecca ciopłaje niaŭstojlivaje nadvorje. Nočču pieravažna pa zachodniaj pałovie, dniom na bolšaj častcy terytoryi krainy projduć karotkačasovyja daždžy, u asobnych rajonach z navalnicami. Tempieratura pavietra minimalnaja nočču składzie +10 … 17°S, pa paŭdniovym zachadzie +18 … 19°S, maksimalnaja dniom +22 …29°S.