Prahres urehulavańnia situacyi na ŭschodzie Ukrainy, mahčyma, byŭ by bolš značnym, kali b adbyłasia sustreča «narmandskaj čaćviorki» i byli b udaskanaleny minskija damoŭlenaści. Pra heta zajaviŭ žurnalistam ministr zamiežnych spraŭ Biełarusi Uładzimir Makiej u čas aficyjnaha vizitu ŭ Słavieniju, paviedamili ŭ pres-słužbie viedamstva.
«Ja absalutna zhodny z maim kaleham (ministram zamiežnych spraŭ Słavienii Karłam Erjaŭcam). U našym razumieńni, na žal, pierśpiektyva ŭrehulavańnia kryzisu na ŭschodzie Ukrainy ŭ bližejšym budučym adsutničaje. Dla taho kab heta adbyłosia, dla taho, kab ŭstalavalisia mir i spakoj u hetym rehijonie, treba, kab usie baki bieśpiarečna vykonvali minskija damoŭlenaści. Siońnia hetaha niama. Kali my bačym, što hetaha niama, značyć, mahčyma, treba padumać ab arhanizacyi jašče adnoj sustrečy, moža być, u tym ža samym «narmandskim farmacie», a, moža być, z pryciahnieńniem inšych ihrakoŭ, jakaja dała b mahčymaść udaskanalić hetyja damoŭlenaści, jakija byli zaklučany ŭ 2015 hodzie, i vyznačyć dakładny miechanizm kantrolu za vykanańniem hetych damoŭlenaściej. I tady, mahčyma, hety prahres urehulavańnia situacyi na ŭschodzie Ukrainy byŭ by bolš značnym», — skazaŭ Uładzimir Makiej.
Jon paŭtaryŭ, što razmova išła ab sustrečy ŭ «narmandskim farmacie», mahčyma, z udziełam niejkich dadatkovych ihrakoŭ. «Nie ab sustrečy pamiž Rasijaj, Ukrainaj i Biełaruśsiu», — padkreśliŭ ministr.
Uładzimir Makiej dadaŭ, što Alaksandr Łukašenka niekalki dzion tamu naviedaŭ Ukrainu z aficyjnym vizitam i abmiarkoŭvaŭ u tym liku hetyja pytańni z prezidentam Ukrainy Piatrom Parašenkam. «Biełaruś zacikaŭlena ŭ tym, kab kryzis u našaj susiedniaj krainie, paŭdniovaj susiedcy, jak maha chutčej spyniŭsia», — zajaviŭ Uładzimir Makiej.
