U Hrecyi zatrymali hramadzianina Rasii, jakoha šukajuć ułady ZŠA pa padazreńni ŭ admyvańni hrošaj. Jaho abvinavačvajuć u tym, što ad 2011 hoda jon admyŭ čatyry miljardy dalaraŭ z dapamohaj bitkoinaŭ.
U čym mienavita była schiema admyvańnia hrošaj, nie ŭdakładniajecca. Imia zatrymanaha rasijanina ŭłady Hrecyi nie nazyvajuć. Paviedamlajecca tolki, što jamu 38 hadoŭ.
Padazravany byŭ zatrymany na poŭnačy Hrecyi ŭ ramkach sumiesnaj apieracyi z amierykanskimi pravaachoŭnymi orhanami. Padčas pieratrusu ŭ jaho numary ŭ haścinicy kanfiskavali «elektronnaje abstalavańnie».
Hrečaskaja palicyja zajaviła, što padazravany ŭznačalvaje złačynnuju arhanizacyju, jakaja kiruje «adnym z najbujniejšych u śviecie sajtaŭ, źviazanych z kibierzłačynnaściu», — adznačaje AVS.