Biełaruskija spartsmieny zavajavali siem miedaloŭ u pieršy tydzień X Suśvietnych hulniaŭ u polskim Vrocłavie, paviedamlaje karespandent BiełTA.
Uładalnicaj zołata ŭ spabornictvach vadnałyžnic stała biełaruska Natalla Bierdnikava. U padvodnym płavańni na dystancyi 100 m u biłastach załataja ŭznaharoda Suśvietnych hulniaŭ dastałasia biełarusu Dźmitryju Haŭryłavu, taksama jon staŭ trecim u anałahičnym zapłyvie na 50 m.
U spabornictvach pa mastackaj himnastycy dva bronzavyja miedali ŭ aktyvie Kaciaryny Hałkinaj — u praktykavańniach ź miačom i stužkaj. Spartyŭnyja akrabaty Artur Bielakoŭ i Volha Mielnik zaniali druhoje miesca siarod źmiašanych par. Jašče adno srebra ŭziali Julija Ivončyk, Vieranika Nabokina i Karyna Sandovič u hrupavych praktykavańniach akrabatak.
Suśvietnyja hulni pravodziacca raz na čatyry hady pa vidach sportu, jakija nie ŭvachodziać u Alimpijskuju prahramu. Ciapierašnija spabornictvy dziasiatyja pa liku, u ich prahramu ŭklučany 37 spartyŭnych dyscyplin. Finišujuć jubilejnyja hulni 30 lipienia.