Narodny deputat Nadzieja Saŭčanka zajaviła pra namier bałatavacca na pasadu prezidenta Ukrainy. Pra heta jana raspaviała ŭ intervju vydańniu «Hłavkom», piša RBK.
TASS
«Dla ŭdziełu ŭ prezidenckaj kampanii na samaj spravie treba niašmat — 2,5 młn hrn, kab zarehistravacca. Adkryvajecca fond, i ščyra havorycca: ja źbiraju hrošy na prezidenctva. Brać udzieł ja budu, a jak dalej — budzie vidać», — skazała Saŭčanka ŭ adkaz na pytańnie ab tym, ci maje jana namier bałatavacca ŭ prezidenty Ukrainy.
Raniej, 19 lipienia, Saŭčanka zarehistravała ŭ Ministerstvie justycyi Ukrainy svaju partyju — «Hramadska-palityčnaja płatforma Nadziei Saŭčanka». Tady jana padkreśliła, što partyja nie źjaŭlajecca śpiecyjalna stvoranaj «pad jaje» palityčnaj siłaj, a «stavić metaj źmianić palityčnuju sistemu Ukrainy kanstytucyjnym šlacham».
Infarmacyja pra toje, što Saŭčanka maje namier stvaryć ułasnuju partyju, źjaviłasia jašče ŭ krasaviku — pra heta paviedamlała vydańnie «Strana.ua» sa spasyłkaj na svaje krynicy. U mai ŭ intervju polskamu vydańniu Krytyka Polityczna Saŭčanka zajaviła, što jaje partyja voźmie ŭdzieł u parłamienckich vybarach va Ukrainie.
U svaim intervju vydańniu «Hłavkom» Saŭčanka paćvierdziła, što maje namier pravieści ŭ Radu svaju partyju na bližejšych vybarach. «Skažam tak, ja b paviała na ich svaju partyju. Ja prytrymlivajusia takoj kancepcyi: ludzi, jakija byli va ŭładzie, bolš nie pavinny tam być», — skazała Saŭčanka. Pa jaje słovach, ludzi, jakija «byli deputatami choć u adnym sklikańni, bolš nie pavinny być deputatami nikoli».
Prezidenckija i parłamienckija vybary adbuducca va Ukrainie ŭ 2019 hodzie.
Pavodle danych apytańnia hramadskaj dumki, praviedzienaha kijeŭskaj sacyjałahičnaj hrupaj «Rejtynh» u kancy maja, za Saŭčanka byli hatovyja addać svaje hałasy mienš za 2% respandentaŭ. «Heta siarod tych, chto ŭžo zajaviŭ ab svaim žadańni brać udzieł u prezidenckich vybarach. Siarod usich apytanych jaje pakazčyk jašče nižejšy — 1,3%», — skazaŭ dyrektar «Rejtynhu» Alaksiej Ancipovič. Pa jaho słovach, uzrovień davieru da jaje taksama vielmi nizki — «całkam joj daviarajuć tolki 1%, kala 10% — chutčej daviarajuć. Uzrovień niedavieru da Nadziei Saŭčanka ciapier składaje 78%».
