Zasnavalnik Amazon Džef Biezas staŭ samym bahatym biznesoŭcam śvietu pa viersii Forbes. Na fonie rostu katyrovak akcyj internet-retejlera jon abahnaŭ zasnavalnika Microsoft Biła Hiejtsa, piša RBK.
AR
Zhodna z ličylnikam Forbes u realnym časie, majomaść Biezasa składaje $90,6 młrd, a Hiejtsa — $90,1 młrd. Abyści Hiejtsa Biezasu dazvoliŭ rost akcyj Amazon 27 lipienia — na adkryćci tarhoŭ na biržy NASDAQ u čaćvier papiery anłajn-retejlera padaraželi na 1,8%.
U sakavickim hłabalnym rejtynhu miljarderaŭ Forbes Biezas raźmiaščaŭsia tolki na trecim miescy z $72,8 młrd (paličana pa stanie na 17 lutaha). Takim čynam, za piać z pałovaj miesiacaŭ Biezas staŭ bahaciejšym na $17,8 młrd.
Asnoŭnym aktyvam Biezasa źjaŭlajecca dola ŭ najbujniejšym anłajn-retejlerie Amazon (jamu naležyć 16,7% kampanii). Kampanija była zasnavanaja ŭ 1994 hodzie jak knižnaja internet-krama, u 1997 hodzie adbyłosia IPO. Amazon stała adnoj z tych kampanij, jakoj udałosia pieražyć «krach dotkomaŭ» (rezki abvał akcyj kampanij vysokatechnałahičnaha siektara ŭ 2000 hodzie). Kapitalizacyja kampanii ŭ apošnija miesiacy ŭpeŭniena padvyšajecca — z pačatku hoda jana padaražeła na $146 młrd. 26 lipienia Amazon stała kaštavać bolš za $500 młrd (u ZŠA ŭsiaho try inšych takich kampanii — Alphabet, Apple i Microsoft). Apošniaj pa časie bujnoj uhodaj Amazon stała nabyćcio sietki mahazinaŭ zdarovaha charčavańnia Whole Foods Market za $13,7 młrd.
