U adpaviednaści z daručeńniem Savieta Ministraŭ Uzbrojenyja Siły akazvajuć dapamohu sielskahaspadarčym arhanizacyjam u praviadzieńni ŭborki, paviedamlajecca na sajcie Ministerstva abarony.
Asabovy skład US Biełarusi z 25 lipienia prystupiŭ da rabot u 14 sielskahaspadarčych arhanizacyjach u Minskim, Staradarožskim rajonach Minskaj vobłaści, Mścisłaŭskim, Asipovickim rajonach Mahiloŭskaj vobłaści.
Dla kiraŭnictva dziejańniami asabovaha składu, vydzielenaha dla akazańnia dapamohi pa ŭborcy ŭradžaju, arhanizacyi ŭzajemadziejańnia ź miascovymi orhanami ŭłady va Uzbrojenych Siłach stvoranaja apieratyŭnaja hrupa.
Sa składu vajskoŭcaŭ i hramadzianskaha piersanału złučeńniaŭ i voinskich čaściej US sfarmavanyja zvodnyja aŭtamabilnyja ŭzvody 30-j asobnaj čyhunačnaj bryhady departamienta transpartnaha zabieśpiačeńnia Minabarony i 15-j zienitnaj rakietnaj bryhady Vajenna-pavietranych sił i vojskaŭ supraćpavietranaj abarony.
Dla pieravozki sielskahaspadarčych hruzaŭ zadziejničana bolš za 80 vajennasłužačych i hramadzianskaha piersanału i bolš za 50 adzinak aŭtamabilnaj techniki. Na siońniašni dzień pieravieziena bolš za 560 t sielskahaspadarčaj pradukcyi.
