U minskich padjezdach u 2017 hodzie płanujecca ŭstalavać kala 100 tysiač śviatłodyjodnych śviacilniaŭ. Pra heta, jak pieradajuć «Minsk-Naviny», paviedamiŭ 28 lipienia v. a. hienieralnaha dyrektara HA «Minskaja haradskaja žyllovaja haspadarka» Ihar Hančaryk na pašyranym pasiadžeńni prezidyuma Minharsavieta.
«Pry dastatkovym finansavańni za 2017 i 2018 hady my całkam asnaścim žyłfond śviatłodyjodnymi lampami, — adznačyŭ Hančaryk. — Raniej my ŭstaloŭvali śviacilni ź lampaj napalvańnia i asobna datčyk ruchu. Ciapier na UP «Śviatłoprybor» vypuskajuć antyvandalnyja śviacilni z łahatypam «ŽKH», jakija majuć datčyk ruchu i akustyčny datčyk. Spažyvanaja mahutnaść takich pryład — 5 vat. Jany dazvolać źnizić spažyvańnie elektraenierhii da 40%».
U ciapierašni čas za košt biudžetnych srodkaŭ mianiajuć śviacilni na śviatłodyjodnyja u miescach ahulnaha karystańnia — va ŭvachodnaj hrupie padjezda, na leśvičnych maršach. Što tyčycca tamburaŭ, to razhladajecca varyjant zamieny tut aśviatleńnia za košt srodkaŭ hramadzian.
