Ministerstva infarmacyi i masavych kamunikacyj Irana abjaviła, što papularny ŭ krainie miesiendžar Telegram pieranios častka siervieraŭ na iranskuju terytoryju. U paviedamleńni ministerstva śćviardžajecca, što heta było zroblena pa vynikach sustrečy ŭładaŭ krainy ź mieniedžarami Telegram.
Stvaralnik Telegram Pavieł Duraŭ zajaviŭ Associated Press, što ničoha padobnaha nie adbyvałasia, i što jaho kampanija nikoli nie raźmiaščała sierviery ŭ Iranie. Paźniej jon patłumačyŭ, što havorka, mahčyma, išła ab tak zvanych CDN-nodach, jakija Telegram aranduje ŭ niekatorych krainach dla paskareńnia abmienu infarmacyjaj u servisie. Takija vuzły nie zachoŭvajuć nijakaj niepubličnaj infarmacyi i nie majuć dostupu da źmiestu pierapiski karystalnikaŭ.
CDN-Nody kešujuć papularnyja ŭ Telegram spasyłki i dazvalajuć karystalnikam chutčej prahladać toj ci inšy kantent.
Pavieł Duraŭ raniej nieadnarazova admaŭlaŭ, što pad ciskam uładaŭ toj ci inšaj krainy źbirajecca pieranosić sierviery Telegram na ich terytoryju niezaležna ad patrabavańniaŭ zakanadaŭstva.
Štomiesiačnaja aŭdytoryja Telegram u Iranie składaje kala 40 miljonaŭ čałaviek, heta značyć pałovu nasielnictva krainy. Telegram błakavali ŭ Iranie ŭ 2015 hodzie, ale zatym razbłakavali i zapatrabavali ad Durava zachoŭvać pierapisku irancaŭ unutry krainy. Jon admoviŭsia; servis praciahnuŭ pracavać.
