Ahienctva Fitch Ratings paćvierdziła doŭhaterminovy suvierenny kredytny rejtynh Biełarusi na ŭzroŭni «B-« z prahnozam «pazityŭny», paviedamlaje BiełTA.
Ahienctva Fitch Ratings pierahledzieła prahnoz doŭhaterminovych rejtynhaŭ defołtu emitenta (RDE) u zamiežnaj i nacyjanalnaj valucie sa stabilnaha da pazityŭnaha i paćvierdziła RDE na ŭzroŭni «B-«. Karotkaterminovyja rejtynhi ŭ zamiežnaj i nacyjanalnaj valucie paćvierdžany na ŭzroŭni «B», a krainavaja stol - na ŭzroŭni «B-«.
Rejtynh, jaki byŭ prysvojeny ŭ kancy červienia biełaruskim jeŭraablihacyjam, zastajecca na ŭzroŭni «B-«. Siarod pazityŭnych faktaraŭ ahienctva nazvała palapšeńnie dostupu Biełarusi da zamiežnaha finansavańnia i pavieličeńnie mižnarodnych reziervaŭ.
Akramia taho, Fitch adznačaje stanoŭčy ŭpłyŭ na ekanomiku dasiahnieńnia damoŭlenaści z Rasijaj pa cenach na haz. Fitch Ratings Inc. - amierykanskaja karparacyja, jakaja naroŭni sa Standard & Poor's i Moody's uvachodzić u «vialikuju trojku» mižnarodnych rejtynhavych ahienctvaŭ.
