Patencyjnych «supracoŭnic» mužčyny šukali praz sacsietki.
«Znajomilisia padazravanyja ŭ sacyjalnych sietkach z maładymi dziaŭčynami šlacham prastaŭleńnia «łajkaŭ» pad fatahrafijami dziaŭčat, ustupali ŭ razmovu, viali pierapisku, cikavilisia asabistym žyćciom i prybytkam uładalnicy akaŭnta, - paviedamlaje Śledčy kamitet. — Padčas dalejšaj pierapiski prapanoŭvali surazmoŭnicy zarabić na tym, kab znajści maładych dziaŭčat, jakija pahadzilisia b na pracu ŭ Turcyi. Za kožnuju dziaŭčynu abiacali peŭnuju sumu».
Śledstva vyśvietliła, što ŭ dalejšym padazravanyja sustrakalisia ź dziaŭčatami i padrabiazna tłumačyli ŭmovy pracy i apłaty pasłuh, jakija dziaŭčaty pavinny buduć akazvać na terytoryi Tureckaj Respubliki, sposaby suviazi sa svajakami i znajomymi, papiaredžvali ab kanśpiracyi. Taksama padazravanyja nabyvali prajaznyja kvitki da Minska i apłačvali avijapieralot u Tureckuju Respubliku.
Padazravanyja iduć na sustrečy. Kadry z apieratyŭnaha videa SK.
U mai 2017 hoda padazravanyja pryjechali ŭ Viciebsk, dzie niekalki razoŭ sustrakalisia ŭ z tryma žycharkami Viciebska, dvum ź jakich prapanoŭvali vyjezd u Turcyju dla zaniatku prastytucyjaj. Dziaŭčaty byli 18-hadovymi studentkami. Pracavać im prapanavali ŭ Stambule.
Ale 25 maja mužčynaŭ zatrymali ŭ Viciebsku. Vyśvietliłasia, što jany majuć hramadzianstva Hruzii. Adnamu z «pracadaŭcaŭ» — 27 hadoŭ, jaho «kalehu» — 31.
Mužčyny znachodziacca pad vartaj. Im pahražaje da 10 hadoŭ.
Materyjały spravy pieradadzienyja ŭ sud.