Pavodle źviestak «Priessboła», kiraŭniku Administracyi prezidenta Natalli Kačanavaj i namieśniku premjer-ministra Biełarusi Vasilu Žarko dadzienaje daručeńnie da 1 vieraśnia znajści rašeńnie pytańnia pa zapusku futbolnaha telekanała na placoŭcy «Sietanty Biełaruś».
Raniej było anansavana, što novaja futbolnaja «knopka» źjavicca na biełaruskim TB da startu druhoha kruha čempijanatu Biełarusi. Adnak Uładzimir Bieražkoŭ, jaki zajmajecca prasoŭvańniem prajekta, u kancy lipienia paviedamiŭ, što z zapuskam kanała pryjdziecca pačakać: «Pytańnie jašče nie vyrašana. Jak vy viedajecie z publičnaj śfiery, los «Sietanty Biełaruś» u rukach prezidenta i jaho bližejšaha akružeńnia. Bajusia svaimi kamientarami naškodzić pracesu, tamu pakul pramaŭču. Skažu tolki, što kiraŭnictva ABFF u realnaj abstanoŭcy prykładaje ŭsie mahčymyja namahańni».
