Zarehistravanyja kandydaty ŭ deputaty ŭ vypadku źniaćcia svajoj kandydatury pierad dniom hałasavańnia buduć vymušanyja viarnuć dziaržavie hrošy, jakija dajucca na vyrab ahitacyjnaj drukavanaj pradukcyi. Nahadajem, heta — 1 miljon 750 tysiač rubloŭ.
Adnak u kandydataŭ jość mahčymaści hrošy nie viartać.
Voś što kaža pra adnu takuju mahčymaść sakratar Centralnaj vybarčaj kamisii Mikałaj Łazavik:
«Kali palityčnaja pryčyna, bajkot — heta nie pavažnaja pryčyna. A voś pa chvarobie albo ŭ vypadku niečakanaha vyjezdu za miežy respubliki — pavažnaja. U kožnym kankretnym vypadku heta treba razhladać indyvidualna».
Apazicyjny kandydat, jaki vyrašyć bajkatavać vybary i nie choča brać hrošy na drukavańnie ŭlotak, kab ich paśla nie viartać dziaržavie, moža biaspłatna skarystacca vystupami pa telebačańni i radyjo.
Mikałaj Łazavik: «Kali niechta choča pavystupać, pakrasavacca, a paśla syjści, kali jon nie voźmie hrošy na ahitacyjnuju drukavanuju pradukcyju, heta jamu apłačvać nie treba».