Namieśnik staršyni Libieralna-demakratyčnaj partyi Aleh Hajdukievič vykłaŭ u fejsbuku zdymak z byłym kiraŭnikom vajskovaj častki 3214 Dźmitryjem Paŭličenkam.
Dźmitryj Paŭličenka (źleva) i Aleh Hajdukievič.
«Dźmitryj Paŭličenka aktyŭna zajmajecca sportam štodnia. Śpiecnaz — heta nazaŭždy», — napisaŭ Hajdukievič.
Paŭličenku 51 hod. Jon byŭ siarod tych, chto padazravaŭsia ŭ datyčnaści da tak zvanych «eskadronaŭ śmierci» ŭ vyniku čaho źnikli palityki Hančar i Zacharanka, biznesoviec Krasoŭski, a taksama žurnalist Zavadski.
U listapadzie 2000 Paŭličenka byŭ aryštavany pa zahadzie staršyni KDB Uładzimira Mackieviča, ale vyjšaŭ praz paru dzion. Pa vyzvaleńni Paŭličenka zajaviŭ, što «hatovy vykanać luby zahad Łukašenki».
Paŭličenka kamandvaŭ razhonam akcyj apazicyi. Byŭ uklučany ŭ «čorny śpis» krain Jeŭrasajuza i ZŠA. U 2009 Paŭličenka byŭ zvolnieny sa słužby pa stanie zdaroŭja.
