Urad Vialikabrytanii abvierh infarmacyju ab tym, što Łondan hatovy vypłacić Brusielu 40 miljardaŭ jeŭra kampiensacyi za vychad ź Jeŭrasajuza. Pra heta zajaviŭ aficyjny pradstaŭnik premjer-ministra Vialikabrytanii Terezy Mej, piša DW. «Što tyčycca hetaj ličby — my jaje nie pryznajem», — zajaviŭ pradstaŭnik Mej.
Raniej, 5 žniŭnia, hazieta The Sunday Telegraph sa spasyłkaj na krynicy ŭ brytanskich uradavych kołach paviedamiła, što Vialikabrytanija ŭ ramkach pracedury Brexit hatovaja vypłacić da 40 młrd. jeŭra dla pakryćcia svaich abaviazacielstvaŭ pierad ES.
U kancy lipienia Łondanu i Brusielu nie ŭdałosia dasiahnuć prahresu ŭ chodzie pieršaha raunda pieramoŭ pa Brexit. Jak paviedamlała The Sunday Telegraph sa spasyłkaj na čynoŭnika ŭ brytanskim uradzie, Brusiel nastojvaje na 60 młrd jeŭra, tady jak dla Łondana prymalnaja suma — bližej da 30 młrd.
Miž tym brytancy ŭsio mienš vierać u pośpiech pieramoŭnaj stratehii ŭrada pa vychadzie ź ES. Zhodna z vynikami apytańnia hramadskaj dumki, apublikavanych sacyjałahičnym instytutam ORB 7 žniŭnia, 61% brytancaŭ nie zhodnyja z tym, jak Tereza Mej pravodzić pieramovy. Dla paraŭnańnia: u lipieni niezadavolenaść dziejańniami Mej pa Brexit vykazvali 56%, a ŭ červieni — 46% apytanych.
