Google raspracoŭvaje technałohiju publikacyi navin ź miedyjakantentam pa anałohii z dadatkam Snapchat.
Pra heta paviedamlaje The Wall Street Journal.
Prajekt nosić nazvu Stamp, dzie «St» aznačaje Stories («Historyi»), a «amp» — Accelerated Mobile Pages — servis dla stvareńnia navinavych artykułaŭ, jakija chutka zahružajucca ŭ mabilnych braŭzierach. Apošni Google raźvivaje z 2015 hoda.
Adznačajecca, što Stamp budzie prezientavany paśla 7 žniŭnia. Ź jaho dapamohaj ŚMI i brendy zmohuć stvarać «historyi» — słajdy z tekstam, fota i videa, jakija možna hartać.
Stamp budzie pryviazany da pošuku Google. Akramia taho, vydaŭcy zmohuć publikavać stvoranyja «historyi» na svaich sajtach, u toj čas jak kantent, stvorany ŭ Snapchat, dastupny dla prahladu tolki ŭ dadatku servisu.
Pa dadzienych vydańnia, kampanija Google viała pieramovy ab vykarystańni Stamp z Vox Media, CNN, Time, The Washington Post i inšymi miedyjakampanijami. Detali pieramovaŭ i mahčymych ździełak nieviadomyja.
