Va Ukrainie da kanca hoda zapracujuć servisy, jakija dazvolać pažanicca anłajn i hetak ža zarehistravać dziaciej. Pra heta na svajoj staroncy ŭ Facebook napisaŭ premjer-ministr Uładzimir Hrojsman, paviedamlaje UP.
«Ukaranieńnie elektronnych pasłuh — adzin z pryjarytetaŭ urada, tamu Dziaržaŭnaje ahienctva pa pytańniach elektronnaha kiravańnia plonna pracuje ŭ hetym kirunku. Da kanca hoda płanujecca ŭvieści jašče šerah anłajn-servisaŭ. U pryvatnaści, rehistracyja dziciaci i šlubu anłajn», — napisaŭ jon.
Pa jaho słovach, ciapier najbolšaj papularnaściu karystajecca elektronnaja pasłuha pa adkryćci FAP (fizičnaja asoba — pradprymalnik).
«Tak, z dapamohaj anłajn-servisu ŭžo adkryta 1211 FAP», — paviedamiŭ jon.
Jon taksama paraiŭ, što ŭkraincam varta afarmlać elektronny podpis.
«Varta dadać, što šyrokamu raspaŭsiudžvańniu elektronnych pasłuh spryjaje zabieśpiačeńnie ŭkraincaŭ nadziejnymi srodkami elektronnaj identyfikacyi. Pakul va Ukrainie takim srodkam źjaŭlajecca elektronny ličbavy podpis (EŁP). Tamu ja paraiŭ by ŭsim ukraincam, jakija jašče nie majuć EŁP, afarmlać jaho», — napisaŭ jon.
«Z vosieni pačniecca vydača ŭnutranych pašpartoŭ u vyhladzie ID-karty adrazu z elektronnaj ličbavym podpisam (EŁP), a da kanca hoda va Ukrainie zapracuje MobileID (EŁP na SIM-karcie)», — dadaŭ Hrojsman.
