Paŭnočnuju Kareju čakajuć prablemy, ź jakimi «mała jakija krainy sutykalisia», zajaviŭ prezident ZŠA Donald Tramp. Kab paźbiehnuć hetaha jon prapanavaŭ Pchieńjanu «uziać siabie ŭ ruki». Pra heta paviedamlaje rbc.ru sa spasyłkaj na Associated Press.
Pchieńjanu varta «vielmi, vielmi niervavacca», kali jany vyrašać zrabić što-niebudź ZŠA, taksama zajaviŭ Tramp, pieradaje Reuters.
Raniej hienierał KNDR Kim Rak Dyjom paviedamiŭ, što Pchieńjan padrychtavaŭ płan ŭdaru ŭ bok vyspy Huam, na jakim znachodzicca amierykanskaja vajskovaja baza. Rakiety «Chvason-12» pavinny buduć pralacieć 3356 km nad Japonijaj i zachodniaj častkaj Cichaha akijana i ŭpaści prykładna za 30-40 km ad uźbiarežža vyspy. Heta budzie papieradžalny ŭdar, padkreślili ŭ KNDR.
Tak u Paŭnočnaj Karei adreahavali na słovy Trampa, vymaŭlenyja im 8 žniŭnia ab tym, što ŭ vypadku praciahu rakietnych vyprabavańniaŭ KNDR «sutykniecca z takim ahniom i lutaściu, jakich śviet raniej nie bačyŭ».
U čaćvier, 10 žniŭnia, Tramp vykazaŭ zdahadku, što jaho słovy, «mahčyma, nie byli dastatkova žorstkimi». Jon dadaŭ, što rychtuje novaje papiaredžańnie ab vykarystańni jadziernaj zbroi dla paŭnočnakarejskich uładaŭ.
