Adzin z čytačoŭ «Našaj Nivy» dasłaŭ u redakcyju pytańnie, čamu supołki Taktyčnaj hrupy «Biełaruś» u sacyjalnaj sietcy UKantakcie nie adkryvajucca.
TH «Biełaruś» — heta hrupa dobraachvotnikaŭ ź Biełarusi, jakija vajujuć (vajavali) va ŭkrainskim kanflikcie na baku Kijeva.
Vyśvietliłasia, što rašeńnie pra błakiroŭku supołak pryniataje jašče ŭ červieni — pra heta śviedčyć śpis ekstremisckich materyjałaŭ na sajcie Mininfarmacyi. Rašeńnie pryniaŭ Centralny sud Minska.
Admietna, što administracyja supołak nie viedała pra błakiroŭku — z terytoryi Ukrainy nijakich prablem pry pierachodzie niama.
Cikava taksama, što fejsbuk nie staŭ błakavać supołku TH «Biełaruś», u adroźnieńnie ad UKantakcie, chacia supołki ŭ fejsbuku taksama, zhodna ź Mininfarmam, «ekstremisckija».
U tych supołkach publikavalisia zvaroty hrupy i naviny z žyćcia jaje ŭdzielnikaŭ.
