Dźvie žančyny zahinuli, jašče dvoje paciarpieli ŭ Pieciarburhu (Rasija) paśla taho, jak u ich urezaŭsia kiroŭca «Falksvahiena», paviedamlajecca na sajcie HU MUS RF pa Sankt-Pieciarburhu i Leninhradskaj vobłaści.
Incydent adbyŭsia 19 žniŭnia na Pramysłovaj vulicy Pieciarburha.
«Kiroŭca aŭtamabila Volkswagen Polo pa niavyśvietlenaj pryčynie nie spraviŭsia z kiravańniem i ździejśniŭ najezd na piešachodaŭ. U vyniku darožnaj avaryi zahinuła žančyna i jašče troje hramadzian špitalizavanyja ŭ ciažkim stanie. Kiroŭca zatrymany», — havorycca ŭ paviedamleńni.
Jak paviedamiŭ paźniej «Piaty kanał», kiroŭca, pavodle vidavočcaŭ, sprabavaŭ syści ad pieraśledu DAI i nie spraviŭsia z kiravańniem.
Jašče adna paciarpiełaja žančyna, pa słovach žurnalistaŭ, pamierła ad atrymanych traŭmaŭ u špitali.
