Iłžeminioru Miadzielskaj rajonnaj balnicy pahražaje da 5 pazbaŭleńnia voli, paviedamiŭ BiełTA aficyjny pradstaŭnik UUS Minabłvykankama Alaksandr Marčanka.
Zvanok u «chutkuju» pastupiŭ 18 žniŭnia kala 22 hadzin. Mužčynski hołas vymaviŭ niešta nievyraznaje, a zatym vyrazna skazaŭ: «U vas u pryjomnym pakoi bomba». Apieratar nieadkładna pieradała infarmacyju ŭ miascovy RAUS.
«Na miesca zdareńnia prybyli bližejšyja milicejskija narady, jakija da pryjezdu śpiecsłužbaŭ ahledzieli korpusy balnicy, ačapili terytoryju i vystavili pasty. Potym abśledavańnie balnicy praciahnuła sapiorna-piratechničnaja hrupa», — raspavioŭ vykanaŭca abaviazkaŭ načalnika Miadzielskaha RAUS Uładzimir Jermałovič.
Pacyjentaŭ i miedpiersanał evakuiravali. U biaśpiečnaje miesca było pieraviedziena 96 čałaviek, u tym liku 14 ciažkachvorych. Taksama śpiecyjalisty vynieśli z kliniki ŭsie pradmiety, jakija mahli detanavać i adklučyli radyjosuviaź.
«Usie mierapryjemstvy skončylisia 19 žniŭnia pryblizna ŭ hadzinu nočy. Paviedamleńnie było niepraŭdzivym, nijakich vybuchaniebiaśpiečnych pryład i pradmietaŭ vyjaŭlena nie było. Špital zapracavaŭ u štatnym režymie.
Było vyśvietlena, što zvanok pastupiŭ ad 33-hadovaha žychara vioski Prudniki Miadzielskaha rajona. Chutka vyjści na złamyśnika dapamoh pamočnik apieratyŭnaha dziažurnaha RAUS Siarhiej Jermakovič, jaki, prasłuchaŭšy telefonny zapis, paznaŭ jaho pa hołasie», — adznačyŭ Uładzimir Jermałovič.
Padazravanaha zatrymali pa miescy žycharstva ŭ stanie ałkaholnaha apjanieńnia. Akazałasia, mužčyna napiaredadni zdareńnia dvojčy vyklikaŭ «chutkuju», adnak kožny raz paviedamlaŭ niasłušnyja adrasy i asabistyja źviestki.
«Minior» staić na ŭliku ŭ narkołaha i psichijatra. Za apošnija 5 hadoŭ jon trojčy pryciahvaŭsia da administracyjnaj adkaznaści za łžyvy vyklik milicyi i adnojčy — za drobnaje chulihanstva.
Złamyśnik źmieščany ŭ IČU, raspačataja kryminalnaja sprava. Jamu pahražaje da 5 hadoŭ pazbaŭleńnia voli.
