16 žniŭnia na liniju «102» pastupiła paviedamleńnie ad namieśnika staršyni adnaho z haražnych kaapieratyvaŭ Mahilova, jaki raskazaŭ, što ŭ adnym z haražoŭ znachodzicca nieviadomy, a ŭ pamiaškańni vyjaŭlenyja kołby ź nieviadomym rečyvam, piša pres-słužba UVD Mahiloŭskaha abłvykankama.
Supracoŭniki milicyi prybyli na miesca i zatrymali 23-hadovaha mahiloŭca. U haražy, jaki, pa jaho słovach, jon zdymaŭ u znajomaha, byli vyjaŭlenyja rečyvy, prydatnyja dla vyrabu vybuchovych rečyvaŭ i vybuchovych pryład.
Jak raskazaŭ pieršy namieśnik načalnika UUS pałkoŭnik milicyi Alaksandr Vasiljeŭ, padčas ahladu pa miescy žycharstva zatrymanaha byli znojdzieny taksama chimičnyja kampanienty dla vyrabu vybuchovych rečyvaŭ i vybuchovych pryład, samarobnyja pradmiety, padobnyja da ahniastrelnaj zbroi i bojeprypasaŭ.
Papiarednie supracoŭniki milicyi vyśvietlili, što zatrymany vyrablaŭ samarobnyja vybuchovyja pryłady, načynienyja ćvikami, šrubami i śvincom i vypraboŭvaŭ ich na adkrytaj miascovaści.
Kanfiskavanyja pradmiety nakiravanyja na ekśpiertyzu, raspačataja kryminalnaja sprava.
