Pa dadzienych śledstva maładyja ludzi va ŭzroście ad 26 da 28 hadoŭ viečaram 10 červienia pryjechali da doma №99 pa vulicy Maksima Horkaha ŭ Viciebsku.
Tam jany źbili 24-hadovaha mužčynu, a zatym siłaj pasadzili ŭ sałon BMV 520i, jaki naležyć adnamu z padazravanych. U mašynie adzin z padazravanych ścisnuŭ šyju paciarpiełamu, ad čaho toj straciŭ prytomnaść.
Zatym jany advieźli paciarpiełaha ŭ adzin z dačnych damoŭ u Viciebsku. Praź niekatory čas mužčynu viarnuli damoŭ.
Pa słovach śledčych, pryčynaj historyi stali «niepryjaznyja adnosiny pamiž mužčynami».
Supracoŭnikami milicyi ŭsie piaciora padazravanych byli zatrymanyja.
Śledčyja pradjavili abvinavačańnie dvum 27-hadovym padazravanym, ich źmiaścili pad vartu. Traich adpuścili pad padpisku.
Rasśledavańnie kryminalnaj spravy praciahvajecca.
