U Mahilovie nasuprać ratušy pastavili pamiatny znak staŭcy rasiejskaha imperatara Mikałaja II. Apošni rasiejski samaŭładca kamandavaŭ z Mahilova svaimi vojskami ŭ Pieršuju ŭsiaśvietnuju vajnu. Adznačyć padzieju, jakija adbyvalisia ŭ biełaruskim horadzie na pačatku XX stahodździa z udziełam rasiejskaha cara, vyrašyła haradzkaja administracyja.
Znak pastavili nasuprać ratušy, na najstarejšaj płoščy horadu, što ciapier zaviecca płoščaj Słavy. Uračystaha adkryćcia pakul nie było. Nadpis na znaku — na biełaruskaj i rasiejskaj movach.
«U mianie niama adčuvańnia, što ja zrabiŭ niešta kiepskaje, — kaža aŭtar pamiatnaha znaku, mahiloŭski skulptar Andrej Vierabjoŭ. — Na maju dumku, hety pamiatny znak — kampramisny varyjant pomnika Mikałaju II, ideja ŭstalavańnia jakoha pastajanna ŭzdymajecca peŭnaj častkaj hramadzkaści Mahilova. Pamiatnym znakam zafiksavanaja padzieja, jakaja adbyłasia ŭ historyi horadu. Zahany ŭ hetym niama. Ja pastaraŭsia pieradać u kampazycyi duch taho času. Na znaku ramiźnik, budynki kiraŭnictva huberni i zvon z vyjavaj Mikałaja II».
