president.gov.by
Da 1 vieraśnia 2019 hoda treba vyrašyć pytańni, źviazanyja z aptymizacyjaj sistemy vyšejšaj adukacyi ŭ Biełarusi. Na heta źviarnuŭ uvahu Alaksandr Łukašenka, vystupajučy na Respublikanskaj piedahahičnaj naradzie 24 žniŭnia ŭ Minsku.
U nas niadrennyja navučalnyja ŭstanovy, u nas ich dastatkova, — zaznačyŭ jon, źviarnuŭšy ŭvahu na šerah prablem.
Pa-pieršaje, ukazaŭ kiraŭnik krainy, biełaruskija VNU vypuskajuć štohod «sotni śpiecyjalistaŭ samaha šyrokaha profilu: jurystaŭ, ekanamistaŭ, palitołahaŭ», jakija potym akazvajucca niezapatrabavanymi i vinavaciać u hetym dziaržavu.
Alaksandr Łukašenka vykazaŭ dumku ab viartańni da vyznačeńnia bazavaha profilu dla kožnaj VNU.
Jon ličyć, što naśpieła nieabchodnaść analizu aptymalnaj kolkaści VNU. Akramia taho, na jaho dumku, u samich VNU treba skaracić kolkaść śpiecyjalnaściaŭ, jakija nie źjaŭlajucca profilnymi.
Jon, naprykład, źviarnuŭ uvahu na prablemu «naturalnaha stareńnia prafiesarska-vykładčyckaha składu» i zapatrabavaŭ abnaŭleńnia kadraŭ.
— Pryjšoŭ čas bracca za vyšejšyja navučalnyja ŭstanovy, pačynajučy ad kiraŭnictva i vykładčykaŭ i taho, što jany varać u siabie na kuchni. Ja maju na ŭvazie padrychtoŭku śpiecyjalistaŭ, — skazaŭ na zakančeńnie jon.
Pry hetym jon zaŭvažyŭ, što ŭsie źmieny treba pravodzić karektna, bo VNU - heta «samaja elitnaja častka hramadstva», «pakryŭdzić jaje — sabie daražej».
