Amierykanskaja viersija pošukavika Google budzie prapanoŭvać prajści «test na depresiju» tym karystalnikam, jakija ŭvodziać u radku pošuku słova «depresija», piša VVS.
Science Photo Library
Heta sumiesny prajekt kampanii Google i amierykanskaha Nacyjanalnaha aljansu psichičnych zachvorvańniaŭ (Nami), jaki nakiravany na toje, kab dapamahčy karystalnikam, jakija znachodziacca ŭ stanie depresii, jak maha raniej zapadozryć u siabie heta psichičnaje rasstrojstva i źviarnucca da lekara.
Takaja psichałahičnaja dapamoha budzie dastupnaja tolki ŭ ZŠA: karystalnikam, jakija šukajuć infarmacyju ab depresii, Google budzie prapanoŭvać adkazać na šerah pytańniaŭ, kab zrazumieć, ci jość padstava dla turboty.
Tym nie mienš, jak padkreślivajuć u Nami, zapaŭnieńnie apytalnaha lista nielha razhladać jak zamienu paŭnavartasnaj dyjahnostyki, jakuju pravodzić lekar.
«Test na depresiju» raźličany pierš za ŭsio na toje, što ludzi, u jakich sapraŭdy nazirajecca hetaje rasstrojstva, adkazaŭšy na šerah pytańniaŭ, nie buduć ciahnuć z pachodam da lekara.
«Choć hety test moža dapamahčy [dyjahnastavać depresiju], adnak važna adznačyć, što apytalnik zdaroŭja pacyjenta nie moža być adzinym srodkam dla pastanoŭki dyjahnazu», — padkreślivajuć u Nami.
Jak rastłumačyli ŭ arhanizacyi, adkryvajučy spasyłku «Praviercie, ci niama ŭ vas kliničnaj depresii», karystalnik moža pravieści samadyjahnostyku i zrazumieć, ci patrebnaja jamu kansultacyja lekara.
«Vyniki testu mohuć vam dapamahčy lepš padrychtavacca da kansultacyi ŭ lekara», — havorycca ŭ zajavie lekaraŭ.
Spasyłka na test budzie źjaŭlacca ŭ «paneli viedaŭ», jakaja pry pošuku ŭ Google raźmiaščajecca pad pošukavym radkom i nad usimi vynikami pošuku. Čaściej za ŭsio ŭ «panel viedaŭ» traplajuć materyjały ź Vikipiedyi.
«Test na depresiju» składajecca ź niekalkich błokaŭ, u kožnym ź jakich pa dzieviać pytańniaŭ. Usie pytańni datyčacca psichičnaha zdaroŭja čałavieka, test raźličany mienavita na vyjaŭleńnie stanu kliničnaj depresii.
Naprykład, u teście jość pytańnie ab tym, jak časta čałaviek sutykajecca z tym, što nie moža skancentravacca, kali čytaje hazietu abo hladzić televizar.
Hety test ličycca davoli dakładnym i nadziejnym sposabam vyjaŭleńnia prykmiet kliničnaj depresii.
U Google adznačyli, što pošukavik nie budzie «zapaminać» vyniki testaŭ karystalnikaŭ i nie budzie vykarystoŭvać hetuju infarmacyju pry składańni vybarki kantekstnaj rekłamy.
Adnak niekatoryja psichaterapieŭty krytykujuć hety prajekt. Viadomy anhlijski psichaterapieŭt Aaron Balik ličyć, što takaja anłajn-dyjahnostyka nie pryniasie bolš karyści, čym toj ža pošuk infarmacyi ŭ internecie.
Pa jaho słovach, bolš efiektyŭnym było b prapanavać karystalniku, jaki znachodzicca ŭ depresiŭnym stanie, čat ź psichołaham abo telefon miascovaha psichałahičnaha centra.
