Na minułym tydni frahment ściany źnieśli. Na tym miescy buduć budavać hatel adnoj z suśvietnych sietak.
«Ściana Coja» źjaviłasia ŭ Miensku jak i ŭ bolšaści vialikich haradoŭ byłoha SSSR amal adrazu paśla śmierci rok-muzykanta. Prychilniki lidera «Kino» Viktara Coja prystasavali pad jaje ŭčastak doŭhaj betonnaj aharodžy vakoł budoŭli Pałacu Respubliki.
U 1992 hodzie, jak raspaviadaje muzyka Alaksandar Pamidoraŭ, mienskaja mastačka Kaciaryna Bahuševič, jakaja, darečy, pachodzić z tych samych Bahuševičaŭ, vykupiła dva frahmenty betonnaha budaŭničaha płotu. «Kaciaryna zapłaciła za kožny frahment pa 100 novych biełaruskich rubloŭ, tych, što z zubrami» — pryhadvaje sp. Pamidoraŭ.
U 1997 hodzie, kali zaviaršyłasia budaŭnictva pałacu, paŭstała pytańnie znosu aharodžy. Vykuplenyja frahmenty «ściany Coja» byli pryvatnaj ułasnaściu, tamu ich zachavali. Haradzkija ŭłady pajšli nasustrač prychilnikam Coja i dali dazvoł na pieranos rešty «ściany» na vulicu Internacyjanalnuju. Kožny dzień kala jaje źbirałasia moładź. Prychilniki «Kino» spadziajucca na toje, što haradzkija ŭłady i hetym razam pojduć im nasustrač i vydzielać miesca pad novuju «ścianu».
Vypadak ź mienskaj «ścianoj» nie adzinkavy. U toj ža Rasiei «ścieny Coja» čaściakom robiacca abjektami atakaŭ haradzkich uładaŭ albo z boku pradstaŭnikoŭ kankurentnych moładzievych subkulturaŭ.
Muzyka i paet Viktar Coj zahinuŭ 15 žniŭnia 1990 hoda ŭ aŭtakatastrofie niedaloka ad Ryhi, pachavany na Bahasłoŭskich mohiłkach Pieciarburha. Na tvorčaści hurta «Kino» ŭzhadavałasia nie adno pakaleńnie moładzi na postsavieckaj prastory.
Tut raniej stajała danina pamiaci rok-idała.
A ciapier maładyja prychilniki Coja vykłali imia śpievaka z tratuarnaj plitki i dumajuć, dzie b abnavić ścianu.
Hetak mur vyhladaŭ.
