Rost pazycyj Biełarusi ŭ štohadovym rejtynhu pryvabnaści krainaŭ dla viadzieńnia biznesu adznačyła ŭ časie prezentacyi spravazdačy «Viadzieńnie biznesu 2009» dyrektarka Departamentu analizu i pakazčykaŭ Suśvietnaha banku i Mižnarodnaj finansavaj karparacyi Penelopa Bruk.
U 2007‑2008 hh. reformy ŭ takich sferach, jak rehistracyja ŭłasnaści, adkryćcio novaha biznesu, atrymańnie dazvołu na budaŭnictva, atrymańnie kredytaŭ, padatkaabkładańnie, mižnarodny handal, pavodle vysnovaŭ Suśvietnaha banku, palepšyli ŭmovy pradprymalnickaj dziejnaści ŭ Biełarusi.
Nahadajem, što sioleta ŭ śpisie sa 181‑j pazycyj Biełaruś zaniała 85‑ie miesca dy apynułasia siarod lideraŭ u halinie reformaŭ.
Niahledziačy na pazytyŭnuju ŭ cełym acenku ekspertaŭ SB i MFK, pradstaŭniki ŭradu, što prysutničali na prezentacyi, dosyć krytyčna vykazalisia nakont metodyki daśledavańniaŭ i adekvatnaści ich vynikaŭ datyčna biełaruskich umovaŭ.
Najbolš emacyjna na hety kont vykazaŭsia načalnik hałoŭnaha ŭpraŭleńnia padatkovaj palityki i prybytkaŭ biudžetu Ministerstva finansaŭ Alaksandar Kaźlakoŭ.
A. Kaźlakoŭ nie razumieje 15‑ha miesca Hruzii ŭ sioletnim rejtynhu, jakaja, pa jaho słovach, faktyčna isnuje na subsydyi ZŠA i demanstruje najhoršyja ŭ SND pakazčyki ŭ vobłaści padatkaabkładańnia. Nie abyšoŭ uvahaj Hruziju i namieśnik ministra ekanomiki Andrej Tur, kali adkazvaŭ na pytańnie pra metazhodnaść tych ci inšych reformaŭ. «Pavodle spravazdačy Suśvietnaha banku hetaja kraina demanstruje zavobłačnyja pośpiechi, adnak ci adbiłasia heta na dabrabycie prostych hramadzianaŭ?
Tamu ci varta nam ładzić reformy dziela reformaŭ» — zadaŭsia pytańniem namieśnik ministra.
