Siońnia byŭ abvieščany prysud pa poźvie režysiora Ihara Dabralubava, jaki źviarnuŭsia ŭ Viarchoŭny Sud, kab skasavać damovu z kinastudyjaj. Dabralubaŭ z 1964 hodu pa 1995 hod źniaŭ na studyi 13 ihravych stužak. U 2002 hodzie kinastudyja zaklučyła z režyseram damovu na vykarystańnie jahonych aŭtarskich majomasnych pravoŭ u krainie j pa-za jejnymi miežami.
Siarod najviadomiejšych stužak Dabralubava - "Ivan Makaravič" i "Biełyja Rosy".
Syn Dabralubava Alaksiej, jaki pradstaŭlaŭ u sudzie svajho baćku, skazaŭ, što z 2006 hodu ŭ režysera źjavilisia pytańni pa sumach vypłataŭ, i jon patrabuje damovu skasavać. Ciapier jahony dachod składajecca tolki z pensii i ź bieskaryślivaj dapamohi Fondu Mikity Michałkova.
U svaju čarhu “Biełaruśfilm” zajaviŭ sustrečnuju pozvu pra “nikčemnaść ździełki”.
Heta nia pieršy taki praces ź “Biełaruśfilmam”. U 2004 hodzie Alaksiej Dudaraŭ sudziŭsia z kinastudyjaj pa “Biełym Rosam”, ale praces prajhraŭ. Praŭda,byŭ i inšy precedent: scenaryst Alaksandar Kačan vyjhraŭ spravu ŭ “Biełaruśfilmu”.
Na hety ž raz Viarchoŭny Sud pryniaŭ bok kinastudyi. Damova była pryznanaja nikčemnaj. Pavodle vyraku, usie aŭtarskija pravy na stužki Dabralubava naležać "Biełaruśfilmu" i režyser nia budzie atrymlivać nijakich uznaharodaŭ za prakat i prodaž filmaŭ, - paviedamiŭ syn tvorcy.
Bolš za toje, 75-hadovy režyser musić zapłacić sudovyja vydatki ŭ pamiery 1,8 młn rubloŭ.
