Ivanu Biedku, jaki byŭ kiraŭnikom vybarčaha štabu Ivana Šehi, siońnia ŭ adździele kadraŭ Centralnaj rajonnaj balnicy Słonima paviedamili, što ź im daterminova spyniajecca kantrakt.
Pryčyn hetaha nie patłumačyli. Ivan Biedka ad pačatku 80-ch pracavaŭ u CRB Słonima sanitaram.
Biedku zastajecca hod da pensii. Kantrakt pavinien byŭ skončycca 31.10. Na dumku sp. Ivana, pryčynaj stała maja palityčnaja dziejnaść, udzieł u vybarčaj kampanii. «Ja ŭznačalvaŭ štab alternatyŭnaha kandydata, napisaŭ na adnym z vybarčych učastkaŭ, dzie byŭ naziralnikam, 4 akty pra parušeńni vybarčaha zakanadaŭstva. Tam całkam sfalsyfikavali vybary. Ja źbirajusia padavać skarhu ŭ sud, bo isnuje zakon, pavodle jakoha nia majuć prava spyniać kantrakt za 3 hady da pensii», — kaža jon.