U Varšavie, na placy Piłsudzkaha, adbyłasia ŭračystaja imša, jakuju słužyŭ papa rymski Benedykt XVI . Na placy prysutničali sotni tysiačaŭ čałaviek, siarod jakich ad dvuch da troch tysiačaŭ biełarusaŭ ź bieł-čyrvona-biełymi ściahami, hierbami svaich haradoŭ.
Biełarusy byli dobra zaŭvažnyja ŭ mory ludziej. Ich prysutnaść adznačajuć usie telekanały.
Prykładna ab 11:20 pavodle mienskaha času z papskaha ałtara była pračytanaja malitva na biełaruskaj movie. U malitvie prahučaŭ zaklik malicca za svabodu i hodnaść ludziej, čyja pravy parušajucca:
«Pamiatajučy pra toje, što ludzi roznych ras, nacyjanalnaściej i narodaŭ źjaŭlajucca adnoj siamjoj, molimsia za svabodu i pašanu hodnaści kožnaha čałavieka, asabliva ŭ tych krainach, dzie parušajucca i abmiažoŭvajucca hramadzianskija pravy - kab nichto nie ciarpieŭ ad prymusu, dyskryminacyi i pryčynienaj kryŭdy...»