U noč z suboty na niadzielu brytanskija i aŭhanskija vojski adbili ataku sotniaŭ bajevikoŭ Talibanu ŭ horadzie Łaškar-Ha. Kala sta bajevikoŭ byli zabityja padčas avijaŭdaraŭ i artabstrełaŭ.
Boj pačaŭsia kala piaci hadzin viečaru suboty i skončyŭsia tolki
niadzielnym rankam. Taliby abkružyli horad i atakavali jaho z troch bakoŭ.
Heta pieršy raz, kali horad Łaškar-Ha – stalica pravincyi Hielmend – byŭ atakavany. U im znachodzicca miascovaje kiraŭnictva pravincyi i štab-kvatera brytanskaha kamandavańnia Hielmendu.
Ataka Talibanu była vytrymana ŭ styli viadomaha «Teckaha nastupleńnia», jakoje adbyłosia padčas vajny va Vjetnamie ŭ 1968 hodzie.
Kali b taliby paśpiachova prajšli ŭ horad, brytanskija i aŭhanskija vojski sutyknulisia b z prablemaj vuličnych bajoŭ, padčas jakich niemahčyma vykarystańnie avijacyi praz ryzyku masavych achviaraŭ siarod mirnych haradžanaŭ.
Pradstaŭnik brytanskaj armii zajaviŭ, što aperacyja Talibanu mieła niečakana vysoki ŭzrovień kaardynacyi. Pa jaho słovach, bajevikoŭ było prykładna 170, chacia niekatoryja aŭhancy ličać, što ich było značna bolej.
Brytanski bok nastojvaje, što nie było nijakaj pahrozy zachopu brytanskaj bazy. «Jakimi b ni byli ich mety, my nie dali ich dasiahnuć, bo jany byli raźbityja na ŭskrajku horadu», — zajaviŭ pradstaŭnik kamandavańnia.
JAS, pavodle TIMES
