Medyčnaja vajskovaja kamisija pryznała siabra moładzi BNF Franaka Viačorku prydatnym dla słužby ŭ vojsku. Moładzievych aktyvistaŭ praciahvajuć zabirać u vojska.
Nahadajem, letam Franaku Viačorku była zroblena aperacyja na vačach. Medyki dali jamu daviedku, što jon nie prydatny da słužby ŭ vojsku i maje adterminoŭku na paŭhoda.
Kiraŭnik pryzyvu vajenkamata Savieckaha rajonu Miensku pałkoŭnik Ivanoŭski zasumniavaŭsia ŭ hetaj daviedcy i niahledziačy na adterminoŭku ŭnios proźvišča Franaka ŭ śpisy nievyjaznych. Dvojčy moładzievaha aktyvista zatrymlivali na miažy i tłumačyli, što jamu zabaronieny vyjezd za miažu.
Franaka Viačorku tydzień tamu vyklikali pozvaj, jak było paznačana, dla kansultacyi ŭ vajskovy špital. Tam u jaho adrazu adabrali rečy i pakłali aktyvista ŭ stacyjanar na abśledavańnie. Siońnia kamisija pryznała Franaka Viačorku hodnym da słužby ŭ vojsku i jaho vypisvajuć sa špitalu.
Sioleta ŭ vojska pryzvali niekalkich moładzievych aktyvistaŭ, adličanych raniej z navučalnych ustanoŭ, siarod ich siabra partyi BNF Źmicier Žaleźničenka, staršynia Moładzi BNF Aleś Kalita. Taksama słužać staršynia Smarhońskaj supołki Moładzi BNF Źmicier Bialajeŭ i aktyvist Ruch «Za Svabodu, były kandytat u deputaty Vital Karatyš.
