Italjaniec zapaŭniaje latarejnyja blanki (fota -Reuters)
Žychar sycylijskaha horadu Katanija vyjhraŭ učora, moža być, samuju vialikuju sumu hrošaj u latareju za ŭsie časy isnavańnia azartnych hulniaŭ – 100 miljonaŭ eŭra. Šaniec vyjhrać u jaho byŭ adzin na 600 miljonaŭ.
Kali suśvietny ekanamičny kryzys na parozie – italjancy ŭ masavym paradku šukajuć ščaścia: tamtejšaje viedamstva pa statystycy padličyła, što va ŭčarašnim rozyhryšy dziaržlatarei ŭziaŭ udzieł kožny treci žychar Apeninaŭ.
Suma ŭ 100 miljonaŭ eŭra nazapasiłasia na konie paśla taho, jak ad krasavika nivodzin čałaviek nia zdoleŭ vyjhrać hałoŭny pryz štotydniovaj latarei. Vialiki verchał vakoł učarašniaha rozyhryšu aburyŭ čalcoŭ pravaachoŭnych arhanizacyjaŭ i arhanizacyjaŭ pa pravach spažyŭca. Na ich dumku praźmierny pryz sparadziŭ chvalu niebiaśpiečnych stavak, kali hramadzianie tracili na hety rozyhryš latarei ŭsie svaje aščadžeńni. Italijskich ŚMI navat ahučvali patrabavańni pravaachoŭnikaŭ, kab tyja sto miljonaŭ eŭra byli padzielenyja pamiž usimi italjancami.Pavodle padlikaŭ, štohod urad Italii maje ź latarejnaj industryi blizu miljarda eŭra.
0
0
0
0
0
0
