Paśla sustrečy z kryminalistam Kleckaha RUUS Siarhiejem Kaściukievičam aktyvist Ruchu «Za Svabodu» Jaŭhien Mikulič źviarnuŭsia ŭ prakuraturu z prośbaj abaranić jaho i jaho siamju.
Naprykancy kastryčnika aktyvista prymusili zdać adbitki palcaŭ. U prysutnaści vajenkoma Dźmitryja Haduna supracoŭnica milicyi pahražała Ja. Mikuliču ŭ vypadku jaho admovy ad daktylaskapii pakarać aktyvista štrafam u 6 bazavych vieličyń i sutkami administracyjnaha aryštu. Pra ŭsie hetyja fakty aktyvist Ruchu paviedamiŭ u svajoj zajavie na imia prakurora Kleckaha rajona U. Karobka.
10 listapada ab 11 hadzinie aktyvist Jaŭhien Mikulič vypadkova sustreŭsia na vulicy z ekspertam-kryminalistam Kleckaha RUUS Siarhiejem Kaściukievičam. Pa słovach miascovaha aktyvista Siarhieja Panamarova, supracoŭnik milicyi u hrubaj, źniavažlivaj formie pahražaŭ sp. Mikuliču, što žyćcio jaho i jahonaj siamji stanie nievynosnym.
Ja. Mikulič nieadkładna napisaŭ pa vynikach sustrečy i razmovy ź milicyjantam zajavu ŭ prakuraturu. Jon prosić abaranić jaho ad pahroz i niezakonnych dziejańniaŭ z boku supracoŭnikaŭ miascovaj milicyi.
