Chto moža zdavać kvateru
Najmadaŭcam moža być tolki ŭłaśnik žyłoha pamiaškańnia. Asoba, jakaja nie źjaŭlajecca ŭłaśnikam žyłoha pamiaškańnia, moža vystupać u jakaści najmadaŭcy tolki pry ŭmovie nadańnia jamu takich paŭnamoctvaŭ ułaśnikam žyłoha pamiaškańnia ŭ zakanadaŭčym paradku.
Paradak dziejańniaŭ
Dla taho, kab zdać kvateru aficyjna, nieabchodna trymacca nastupnaha paradku dziejańniaŭ:
1) Zaklučyć damovu najmu
Pakolki mienavita damova źjaŭlajecca harantam uźniknieńnia pravoŭ i abaviazkaŭ najmalnika ŭ dačynieńni da arandavanaha pamiaškańnia, to jana pavinna być zaklučana da momantu faktyčnaha karystańnia najmalnikam pamiaškańnia, jakoje zdajecca ŭ arendu.
Formu damovy najmu možna znajści na aficyjnym sajcie Ministerstva pa padatkach i zborach nalog.gov.by.
Damova pavinna być składziena ŭ troch asobnikach i padpisana dvuma bakami. Adzin z ekzemplaraŭ zachoŭvajecca ŭ najmadaŭcy, druhi — u najmalnika, treci — va ŭstanovie, dzie adbyvałasia rehistracyja damovy.
U damovie prapisvajucca:
- Pašpartnyja źviestki bakoŭ,
- Skład siamji najmalnika,
- Adras i płošča pamiaškańnia, jakoje zdajecca ŭ arendu,
- Pamier (u biełaruskich rublach) i sposab apłaty (najaŭny, bieznajaŭny raźlik),
- Terminy apłaty (dakładnaja data, naprykład, 1-y, 5-ty, 31-y dzień kožnaha miesiaca),
- Uniesienyja zastavy i pieradapłata,
- Paradak apłaty kamunalnych,
- Pravy i abaviazki bakoŭ,
- Umovy daterminovaha skasavańnia damovy,
- Praviły pražyvańnia (naprykład, ci dazvolena ŭtrymańnie chatnich žyvioł),
- Pytańni ramontu i ŭznaŭleńnia paškodžańniaŭ.
Taksama možna prapisać:
- Najaŭnaść mebli i bytavoj techniki i ich stan (u niekatorych vypadkach metazhodna papiarednie skłaści vopis najaŭnaj da momantu zasialeńnia kvatarantaŭ majomaści i dakładna prapisać paradak kampiensacyi strataŭ),
- Pryznačeńnie arendnaha pamiaškańnia (dadzieny punkt nieabchodny, kab paźbiehnuć niepažadanaha vykarystańnia kvatery — pad ofis, studyju, majsterniu i h. d.).
2) Zarehistravać damovu
Zrabić heta možna ŭ miascovym vykanaŭčym i rasparadčym orhanie (harvykankamie, sielsaviecie i inš.) albo u arhanizacyi, jakaja ažyćciaŭlaje ekspłuatacyju žyllovaha fondu (ŽES, domakiravańnie).
Dla rehistracyi damovy spatrebiacca nastupnyja dakumienty:
- Zajava, padpisanaja ŭłaśnikam pamiaškańnia i hramadzianami, jakija majuć roŭnaje z ułaśnikam prava na karystańnie žyłym pamiaškańniem,
- Pašpart albo dakumient, jaki paćviardžaje asobu ŭłaśnika žyłoha pamiaškańnia,
- Try ekzemplary damovy najmu,
- Techničny pašpart,
- Dakumient, jaki paćviardžaje prava ŭłasnaści na žyllo,
- Piśmovaja zhoda ŭsich ułaśnikaŭ (u vypadku, kali zdajecca pamiaškańnie, jakoje znachodzicca ŭ supolnaj ułasnaści),
- Damavaja kniha (pry jaje najaŭnaści).
3) Zarehistravacca ŭ jakaści padatkapłatnika
Dla hetaha nieabchodna paśla zaklučeńnia damovy pajści ŭ inśpiekcyju pa padatkach i zborach pa miescy žycharstva. Dla rehistracyi ŭ jakaści padatkapłatnika nieabchodnyja nastupnyja dakumienty:
- pašpart,
- adna z troch kopij damovy najmu žyłoha pamiaškańnia,
- kopija techničnaha pašparta,
- vypiska z asabovaha rachunku ab usich prapisanych na dadzienaj žyllovaj płoščy asobach (biarecca ŭ ŽESie),
- zhoda ŭsich asob, jakija pražyvajuć z najmadaŭcam (pry nieabchodnaści).
4) Apłacić padatak
Padatak na zdaču žylla ŭ arendu apłočvajecca ŭ fiksavanych sumach. Pry hetym sumy padatku štohod zaćviardžajucca miascovymi orhanami ŭłady. Adpaviedna dla roznych nasielenych punktaŭ jany roznyja i nie zaležać ad adtrymanaha ad najmu dachodu.
Praduhledžany dva sposaby apłaty padatkaŭ za zdaču žylla ŭ najom:
1) Adzinym płaciažom za ŭvieś kalandarny hod. U takim vypadku ŭnieści apłatu treba nie paźniej za nastupny pracoŭny dzień paśla ŭstanoŭlenaha ŭ damovie dnia faktyčnaj zdačy pamiaškańnia ŭ najom. Za kožny nastupny kalandarny hod upłata ažyćciaŭlajecca nie paźniej za pieršy dzień hoda, za jaki spłačvajecca padatak.
Važna: kali padatak apłačvajecca adrazu za ŭvieś pieryjad, to ŭ vypadku źmienaŭ padatkovych stavak ciaham hoda pieraraźlik ažyćciaŭlacca nie budzie.
2) Štomiesiačny płaciež. U takim vypadku apłata vykonvajecca nie paźniej za nastupny pracoŭny dzień paśla ŭstanoŭlenaha ŭ damovie dnia faktyčnaha pradastaŭleńnia pamiaškańnia ŭ najom. Kali kvatera zdajecca nie ź pieršaha dnia miesiaca, to naličeńnie fiksavanych sum adbyvajecca praparcyjna kolkaści dzion zdačy kvatery ŭ hetym miesiacy. U dalejšym padatak apłočvajecca štomiesiac, nie paźniej za pieršy dzień taho miesiaca, za jaki ŭnosicca apłata.
Važna: kali źmienicca padatkovaja staŭka, to suma padatku budzie pieraraźličvacca ŭžo ŭ nastupnym miesiacy.
Arendadaŭca vyzvalajecca ad padachodnaha padatku, kali:
- Pamiaškańnie zdajecca ŭ najom blizkim rodnym (stupień rodnaści pavinna być paćvierdžana adpaviednymi dakumientami),
- Pamiaškańnie zdajecca ŭ najom maładym śpiecyjalistam (status maładoha śpiecyjalista paćviardžajecca kopijaj pracoŭnaj knižki i kopijaj paśviedčańnia ab nakiravańni jaho na pracu).
Kali dachod ad arendy vielmi vysoki
Suma padatku pry zdačy žylla ŭ najom fiksavanaja. Adnak varta pamiatać, što kali na praciahu kalandarnaha hoda dachod ad arendy pieravysiŭ peŭnuju sumu (u 2017 hodzie jana składała 5555 bieł. rubloŭ), to jon budzie abkładacca padatkam pa staŭcy 13%. Pry hetym vypłačany ŭ fiksavanych sumach padatak taksama budzie ŭličvacca. U takoj situacyi nieabchodna budzie da 1 sakavika padać u padatkovuju inśpiekcyju dekłaracyju ab sukupnym hadavym dachodzie i dapłacić nieabchodnuju sumu.
Uličycie asnoŭnyja momanty ŭ paradku afarmleńnia dakumientaŭ na zdaču žylla ŭ arendu i tym samym aščadzicie svaje čas i siły!
