Na arhanizavanaje ŭ Ryzie Ruskim sajuzam Łatvii (RSŁ) šeście ŭ abaronu ruskich škoł u subotu, 15 vieraśnia, sabralisia kala 2500 čałaviek.
Niekatoryja z udzielnikaŭ šeścia trymali ŭ rukach ściahi RSŁ i płakaty na łatyšskaj i ruskaj movach z łozunhami ŭ abaronu ruskaj movy i jaje vykarystańnia ŭ navučalnych ustanovach.
Za paradkam na mierapryjemstvie sačyli palicejskija.
Jak zajaŭlaje RSŁ, poŭny pieravod navučańnia na łatyšskuju movu nie tolki istotna panizić uzrovień viedaŭ i pavysić uzrovień stresu ŭ dziaciej, ale i pryviadzie da źmianšeńnia cikavaści da vučoby.
RSŁ ličyć, što sapraŭdnaj metaj reformy adukacyi źjaŭlajecca «poŭnaja dehradacyja i asimilacyja ruskaha hramadstva», reforma pryviadzie da abvastreńnia mižetničnych kanfliktaŭ u hramadstvie.