Parlament Hruzii maje namier da kanca červienia abvieścić rasiejskich miratvorcaŭ pa-za zakonam na ŭsioj terytoryi krainy, pieradaje karespandenta «Rosbałta».
Hetaje rašeńnie abumoŭlena, u pryvatnaści, tym, što rasiejski bok parušyŭ umovy ratacyi svaich vajskoŭcaŭ u Abchazii i Paŭdniovaj Asiecii, dzie, pa ćvierdžańni hruzinskaha boku, dyślakavana ŭdvaja bolš rasiejskich miratvorcaŭ, čym praduhledžana adpaviednymi kvotami. Nazirajecca taksama vidočny lišak uzbrajeńnia.
Nia vyklučana, što da kanca červienia parlament prymie i pastanovu pra vychad Hruzii z SND.
Jak paviedamili «Rosbałtu» ŭ parlamencie Hruzii, užo absalutna zrazumieła, što Rasieja stałasia ahresiŭnym bokam kanfliktaŭ, i znachodžańnie jejnych miratvorcaŭ na hruzinskaj terytoryi pahražaje kanstytucyjnaj biaśpiecy krainy i jejnaj terytaryjalnaj cełasnaści.
Ułady Hruzii dali siońnia Rasiei čas da 17 hadzinaŭ (pa biełaruskim časie) na toje, kab jana vyvieła z kanfliktnych zonaŭ lišak vajskoŭcaŭ i vajskovaj techniki. Adnak vajskoŭcy praciahvajuć prybyvać. U pryvatnaści, siońnia ŭ Džaŭski rajon u Cchinvalskim reihionie paŭz Rokski tunel, nie kantralujemy Hruzijaj, dastaŭlenyja vajskoŭcy na 20 aŭtamabilach «Urał».
