«Takuju zadaču pastaviŭ pierad uradam kiraŭnik dziaržavy. Heta važnaja stratehičnaja zadača, dla jaje vyrašeńnia zastałosia mienš jak 20 dzion. Vy źjaŭlajeciesia ŭdzielnikami realizacyi hetaj prahramy», — cytuje kiraŭnika ŭrada dziaržaŭnaje infarmahienctva BiełTA.
S.Sidorski padkreśliŭ, što pryjšoŭ čas chutkich rašeńniaŭ, jakija pavinny prymacca na ŭzroŭni ŭsich kirujučych źvionaŭ.Razmova taksama idzie ab pytańniach efiektyŭnaha vykarystańnia ziamli, ułasnaści, libieralizacyi ŭ sistemie afarmleńnia dakumientaŭ.
Na jaho dumku, pavieličeńnie pradukcyi na składach biełaruskich pradpryjemstvaŭ, jakoje ciapier nazirajecca ŭ suviazi z upłyvam suśvietnaha finansavaha kryzisu, možna pieraadoleć.
S.Sidorski kanstatavaŭ abvastreńnie situacyi z zapasami hatovaj pradukcyi ŭ listapadzieŭ suviazi sa źnižeńniem popytu na tavary va Ukrainie, Kazachstanie, Rasii. «Ale ŭ cełym abjomy zapasaŭ pradukcyi na składach pieravysili raniejšyja ŭ papiarednich miesiacach na 2 pracentnyja punkty. Heta havoryć ab tym, što z hetymi pytańniami dastatkova ŭpeŭniena možna spravicca», — zaznačyŭ premjer‑ministr.
S.Sidorski ŭpeŭnieny, što ŭ biełaruskaj ekanomicy jość reziervy dla źnižeńnia zatrat. Tak, rekordnaje padzieńnie cen na naftu i materyjały, u tym liku mietał, daść mahčymaść biełaruskim pradpryjemstvam źnizić zatraty na vytvorčaść pradukcyi. Heta dazvolić vyjści na kankurentazdolnyja ceny na źniešnich rynkach.
Premjer‑ministr nahadaŭ ab raspracoŭcy kompleksnych mier pa minimizacyi nastupstvaŭ suśvietnaha finansavaha kryzisu na raźvićcio ekanomiki Biełarusi.
Hety kompleks mier užo zaćvierdžany. Akramia taho, pryniaty miery pa padtrymcy bankaŭskaj śfiery, nakiravańni dastatkovych resursaŭ u hetuju sistemu. Vyjšła pastanova ŭrada, jakaja daje mahčymaść pradpryjemstvam samastojna farmavać ekspartnyja ceny na pradukcyju. Anałahičny dakumient u najbližejšy čas budzie pryniaty i ŭ dačynieńni da pastavak tavaraŭ na ŭnutrany rynak. Usio heta budzie sadziejničać pastupleńniu valuty ŭ Biełaruś, padkreśliŭ Sidorski.
«2008 hod byŭ davoli ciažkim, ale my zaviaršajem jaho dastojna.Pavodle papiarednich źviestak, buduć vykanany ŭsie asnoŭnyja pakazčyki sacyjalna‑ekanamičnaha raźvićcia, za vyklučeńniem źniešniehandlovaha bałansu krainy, — zajaviŭ S.Sidorski. — Heta havoryć ab tym, što ŭ adkrytaj ekanomicy Biełarusi tyja rašeńni, jakija prymalisia prezidentam, uradam, dajuć peŭny efiekt».
